उद्देश्यहरू

प्रेस रजिष्ट्रारको कार्यालयले देहाय बमोजिमका उद्देश्यहरू परिपूर्ति गर्नका लागि आफ्ना गतिविधिहरू केन्द्रित गरेको छ:

➤ सञ्चार माध्यमको व्यवस्थापन र नियमन: गण्डकी प्रदेश आम सञ्चार ऐन, २०८० र नियमावली, २०८२ को अधीनमा रही प्रदेशस्तरका सञ्चार माध्यमहरूको दर्ता, नवीकरण, अभिलेखीकरण र नियमन कार्यलाई चुस्त, दुरुस्त र पारदर्शी बनाउनु।

➤ प्रेस स्वतन्त्रताको प्रवर्द्धन: नेपालको संविधानप्रदत्त विचार र अभिव्यक्तिको स्वतन्त्रता तथा सञ्चारको हकको पूर्ण कार्यान्वयन गर्दै स्वतन्त्र, निष्पक्ष र भयरहित पत्रकारिताको वातावरण सिर्जना गर्नु।

➤ क्षमता अभिवृद्धि र व्यवसायीकरण: आम सञ्चार क्षेत्रमा क्रियाशील पत्रकार, सञ्चारकर्मी, प्राविधिक तथा व्यवस्थापकहरूको सीप, दक्षता र क्षमता विकास गर्दै सञ्चार क्षेत्रलाई प्रतिस्पर्धी, मर्यादित र व्यावसायिक बनाउनु।

➤ मौलिकताको संरक्षण: प्रदेशभित्रका विविध भाषा, धर्म, संस्कृति, पर्यटन र रैथाने ज्ञानको प्रचारप्रसार तथा प्रवर्द्धन गर्न सञ्चार माध्यमहरूलाई प्रोत्साहित गर्नु।

➤ सुशासन र जवाफदेहिता: आम सञ्चार माध्यमहरूलाई आचारसंहिता पालना गराउँदै समाज र राष्ट्रप्रति जिम्मेवार र जवाफदेही बनाउनु तथा कार्यालयको सेवा प्रवाहमा सुशासन कायम गर्नु।

➤ सूचनाको पहुँच विस्तार: प्रदेश सरकारका नीति, कार्यक्रम, उपलब्धि र जनसरोकारका विषयहरूलाई आम नागरिकसम्म प्रभावकारी रूपमा सम्प्रेषण गरी सरकार र जनताबीचको सम्बन्धलाई सुदृढ बनाउनु।

ताजा सूचना

प्रेस रजिष्ट्रार कार्यालयको बोलपत्र मार्फत विद्युतीय सामग्री खरिद सम्बन्धी पुन सूचना

प्रकाशित मिति - २०८२-११-१७
लोककल्याणकारी विज्ञापन सम्बन्धी सूचना

प्रकाशित मिति - २०८२-१०-२७
#छुटेका संचारमाध्यमले सम्पर्क गर्नुहुन अनुरोध

प्रकाशित मिति - २०८२-७-१९
विज्ञापन २०८१र८२ मा सूचिकृत हुने गण्डकी प्रदेशभित्र संचालित संचार माध्यमहरुको विवरण निम्न अनुसार रहेको व्यहोरा जानकारीकालागि अनुरोध

प्रकाशित मिति - २०८२-७-१७